Секако дека ќе има многу разлики, но идејата на Крис Морена е да продолжи со линијата која ја остави со четвртата сезона на "Ангели". Во продолжение прочитајте повеќе за содржината на новата серија на Крис, "Aliados".
Главни јунаци се шест тинејџери. На почетокот, сите се разделени, без никаков правец во нивниот живот, без семејство, во поправни домови и затвори.
За среќа, судбината ќе ги спои за да можат заедно да ја спасат планетата, која е претворена во ужасно место, од страна на двајца негативци, многу важни во приказната, кои се погрижиле да го уништат светот, исполнет со сиромаштија, нуклеарни војни, и план за "нова ера". За да се спротивстави на тоа, универзумот избрал шест личности, изгубени во животот, и секој од нив со многу различни особини. Шест "пратеници од светлината" ќе им помогнат на избраните да се пронајдат самите себеси, и да откријат кои се тие навистина. Постепено ќе се претвораат во добри личности и "сојузниците" (aliados) кои ги имаат во себе ќе им помогнат да го извлечат најдоброто од себе.
Во серијата има љубов, мистерија, и најважно, музика. За да го спасат човештвото, најпрвин ќе треба самите себе да спасат, бидејќи тие се спасот.
No comments:
Post a Comment